Belarusda yüksək gəlirli vətəndaşlar üçün 40 faiz dərəcəsində gəlir vergisinin tətbiqi təklif olunub. Bu təşəbbüslə ölkənin Maliyyə naziri Yuri Seliverstov çıxış edib.
Doğru.az xəbər verir ki, nazirin sözlərinə görə, Maliyyə Nazirliyi “kim daha çox qazanırsa, o da çox ödəyir” prinsipi əsasında vergitutma sistemində dəyişikliklər üzərində işləyir.
“Biz gəlir vergisini daha da differensiallaşdırmaq, o cümlədən ildə 600 min Belarus rublundan (təxminən 200 min ABŞ dolları) çox olan gəlirlər üçün 40 faizlik üçüncü dərəcənin tətbiqi ilə bağlı yanaşmamızı davam etdiririk”, – BELTA Seliverstovun sözlərindən sitat gətirir.
Qeyd edək ki, daha əvvəl Rusiyada da iqtisadi cinayətlərə görə cərimələrin artırılması planlaşdırıldığı bildirilmişdi.
DOĞRU.AZ
