Bloomberg-in köşə yazarı Javier Blas məqaləsində bildirib ki, soyuq havalar ərəfəsində qazın qiymətini saxlamaqda Avropanın “güclü müttəfiqi” sənaye istehsalında böhrana çevrilib.
“Qitanı bürüyən sənaye böhranı qaz çatışmazlığı üçün ən yaxşı dərmandır. Belə dostlarla düşmən kimə lazımdır?” – müəllif yazıb.
Onun sözlərinə görə, Avropa enerji böhranını özünün sənaye mərkəzinə təsiri sayəsində “döyür”: Bütün qitədə enerji tutumlu şirkətlər artan enerji qiymətlərinin öhdəsindən gələ bilməyib, ya fəaliyyətini dayandırır, ya da hasilatı azaldır.
Blas, Morgan Stanley-nin Avropada ümumi qaz tələbinin beş illik orta göstəricidən 15% aşağı olacağını proqnozlaşdırdığına da diqqət çəkdi. Onun fikrincə, Avropa ölkələri enerji böhranından çıxışın əvəzini istehsal sektorunda güclü tənəzzül və uzunmüddətli iqtisadi artım itkisi ilə ödəyəcək.
Mənbə: Gazeta.ru
