Braziliya avqustda Rusiyadan rekord miqdarda – gündə təxminən 235 min barel neft məhsulu idxal edir.
Bu barədə Bloomberg Kpler analitik şirkətinin məlumatlarına istinadən xəbər verir.
Bu, iyul ayı ilə müqayisədə 25% çoxdur. Beləliklə, Rusiya Aİ-nin sanksiyaları fonunda yeni satış bazarları formalaşdırmaqla Braziliyaya ən böyük yanacaq tədarükçüsü rolunda qərarlaşıb.
Nəşrin hesablamalarına görə, Avropa İttifaqı fevral ayında Rusiyanın enerji resurslarına embarqo və G7-nin qiymət tavanını tətbiq etdikdən sonra Braziliya idxalı kəskin şəkildə artırıb: ölkə Türkiyədən sonra Rusiya dizel yanacağının ikinci ən böyük alıcısına çevrilib.
Qərbin məhdudiyyətləri Rusiya enerjisinin dəyərini aşağı salıb və bu, Braziliyaya xeyir verib. Kpler eksperti Viktor Katona hesab edir ki, ucuz rus dizelinin alınması Braziliyanın barreli üçün 10-15 dollara qənaət edəcək.
Mənbə: Bloomberg
