Çində makroiqtisadi statistikanın açıqlanmasından sonra dünya bazarında neft qiymətləri düşüb.
Şimal dənizində hasil olunan “Brent” markalı neftin yanvar fyuçersləri 0,54 % ucuzlaşaraq 1 bareli 90,85 ABŞ dollarına satılıb. “WTI” markalı neftin dekabr fyuçerslərinin qiyməti 0,61 % düşüb və 1 bareli 84,53 ABŞ dolları təşkil edib.
Birjalar Çində statistik məlumatların dərc olunmasına reaksiya verib. Belə ki, ÇXR Baş Gömrük İdarəsinin məlumatına görə, 2022-ci ilin ilk üç rübündə Çin neft idxalını illik ifadədə 4,3 % azaldıb.