image-2000x150px
image-690dd3f3-8063-4be3-8867-c19f9c0c7c61backend

Dünya iqtisadiyyatının davamlı inkişafında bərpaolunan enerjidən səmərəli istifadə prioritetdir

image-728x90px

Ənənəvi olaraq hər il İsveçrənin Davos şəhərində keçirilən Dünya İqtisadi Forumu iştirakçı ölkələrin, o cümlədən Azərbaycanın malik olduğu iqtisadi imkanların təqdimatında mühüm rola malikdir. Bir mühüm məqamı da nəzərə alsaq ki hər dövrün öz çağırışları olur, Dünya İqtisadi Forumu günün aktual məsələlərinin müzakirəsinə xüsusi önəm verir, bu halda builki toplantının mövzusu diqqətdən kənarda qala bilməz. Dövlət başçısı İlham Əliyev Çinin CGTN (China Global Television Network) televiziya kanalına müsahibəsində Forumun bu il müzakirəyə çıxardığı “Parçalanmış dünyada əməkdaşlıq” mövzusunun fonunda hazırkı dövrdə əməkdaşlığı çətinləşdirən məqamlara diqqəti yönəltdi: “Düşünürəm ki, bəzi ölkələrin ambisiyaları, regionda və ya dünyada bir növ liderlik uğrunda mübarizə, potensialın, öz potensialının düzgün hesablanmaması, qarşınızdakının, opponentinizin olduğundan aşağı qiymətləndirilməsi. Bu, etimadsızlığa, gərginliyə və müharibələrə gətirib çıxarır. Bizim siyasətimiz hər zaman, sözün əsl mənasında, əməkdaşlığa əsaslanıb, çünki biz qəti surətdə inanırıq ki, yalnız əməkdaşlıq sayəsində uğur qazana bilərsiniz. Nə qədər çox versəniz, nə qədər çox yardım etsəniz, bir o qədər çox əldə edəcəksiniz. Dünya bunun üzərində qurulub.” Dünya İqtisadi Forumu çərçivəsində keçirilən çoxsaylı görüşlərdə, dövlət başçısı İlham Əliyevin çıxış etdiyi panel iclaslarda da Azərbaycanın hazırkı iqtisadi uğurlarının əldə olunmasını şərtləndirən amillər xüsusi diqqətə çatdırıldı. Əsas amil kimi ölkəmizin malik olduğu əlverişli biznes mühiti xüsusi qeyd edildi. Bu əsas hədəf bir daha diqqətə çatdırıldı ki, bərpaolunan enerji mənbələri bizim üçün indi əsas prioritetlərdən birinə  çevrilib. Son bir neçə ay ərzində Azərbaycan 22 qiqavat bərpaolunan enerji mənbələrini yaratmaq üçün sərmayə təmin edəcək sənədlər imzalayıb. Söhbət həm dənizdən, həm də qurudan gedir. Bu isə regional iqtisadi konfiqurasiyanı tamamilə dəyişəcək. Çünki Avropada baş verən yaşıl enerjiyə keçiddən xəbərimiz var. Eyni zamanda, Azərbaycan neft və təbii qazın təchizatçısıdır. İndi yaşıl enerjini, o cümlədən dənizdə külək elektrik stansiyalarından hasil olunacaq yaşıl hidrogeni təchiz etməyi planlaşdırırıq: “Biz ixrac etmək imkanına malik olmaq üçün həm də ötürücü xətlərə də sərmayə yatırmalıyıq, çünki bizim özümüzə bu qədər enerji lazım deyil.” Dünya İqtisadi Forumundan öncə ölkə Prezidenti İlham Əliyevin Birləşmiş Ərəb Əmirliklərinə səfəri zamanı bərpaolunan enerji məsələləri ilə bağlı razılaşmalar əldə olundu. Dövlət başçısı İlham Əliyev Əbu-Dabi Dayanıqlılıq Həftəsinin rəsmi açılış mərasimində Azərbaycanın enerji sektorunda qazandığı uğurlardan geniş bəhs etdi. Ölkəmizin neft və qazla yanaşı, elektrik enerjisi ixracatçısı olduğu xüsusi vurğulandı. Qeyd edildi ki, cəmi iki il əvvəl Azərbaycan Cənub Qaz Dəhlizi meqa enerji layihəsini öz tərəfdaşları ilə başa çatdırıb. Azərbaycandan Cənubi Avropaya gedən inteqrasiya edilmiş boru kəmərləri sistemini qurub. Həmin boru kəmərinin uzunluğu 3500 kilometrdir. Təbii qaz ixracımız artır. 2021-ci ildə 19 milyard kubmetr idisə, bu il 24 milyard kubmetrə çatacaq. Artım davam edəcək. Azərbaycanın bərpaolunan enerji mərkəzlərindən birinə çevrilməsi planı təkcə öz enerji təhlükəsizliyi ilə Bu rəqəmlər də açıqlandı ki, quruda 27 qiqavatlıq külək və günəş enerjisi, 2020-ci ildə Vətən müharibəsi zamanı azad edilmiş ərazilərdə 10 qiqavatlıq külək və günəş enerjisi, həmçinin Xəzər dənizinin Azərbaycan sektorunda 157 qiqavatlıq külək enerjisi imkanları mövcuddur. 200 qiqavata yaxın potensial var.  Bu səbəbdən Azərbaycana kifayət qədər ixrac marşrutları lazımdır. Dövlət başçısı İlham Əliyevin Birləşmiş Ərəb Əmirliklərinə səfəri zamanı “Masdar” və Azərbaycan Dövlət Neft Şirkəti 4 qiqavatlıq külək və günəş enerjisi stansiyalarının yaradılmasına dair razılaşma imzaladılar. Bu qısamüddətli bir layihədir. Ortamüddətli layihələr nəticəsində güclər 10 qiqavata qədər artırılacaq. “Masdar” ilə aparılan əməkdaşlıq Azərbaycanı yaşıl enerjinin çox mühüm ixrac mənbəyinə çevirəcək. Yeni imkanlara gəldikdə isə Azərbaycanın beynəlxalq enerji şirkətləri ilə imzaladığı Anlaşma Memorandumları və sazişlər 22 qiqavata qədər külək və günəş enerjisini istehsal etmək imkanını yaradacaq. Göründüyü kimi, hazırda dünya iqtisadiy-

yatının davamlı inkişafında bərpaolunan enerjidən səmərəli istifadə məsələsi ön planda dayanır. Bu baxımdan Azərbaycanın gördüyü işlər nəinki ölkəmiz, eyni zamanda, region və dünya üçün əhəmiyyətlidir.

 

Nihad Pənahov

YAP Tovuz rayon təşkilatının sədri

image-728x90px

  • whatsapp
  • messenger
  • telegram
  • vkontakte
  • odnoklassniki

UĞURLU GƏLƏCƏK NAMİNƏ