Ədliyyə naziri Fərid Əhmədov sentyabrın 19-da Naxçıvan şəhərində Naxçıvan şəhər və Babək, Culfa, Kəngərli, Ordubad, Sədərək, Şahbuz və Şərur rayon sakinlərinin müraciətlərini dinləyəcək.
Doğru.az xəbər verir ki, qəbula yazılmaq üçün vətəndaşlar sentyabrın 17-dək rəsmi iş günləri ərzində Naxçıvan Muxtar Respublikasının Ədliyyə Nazirliyinə, +994 36 544 54 70 nömrəsinə və ya office@njustice.gov.az e-poçt ünvanına müraciət edə bilərlər.
Həmçinin nazirliyin +994 12 510 10 01 (daxili: 10941) nömrəsi, qebula@justice.gov.az e-poçt ünvanı və rəsmi saytın “Elektron xidmətlər” bölməsi vasitəsilə də qəbula yazılmaq mümkündür. Qəbula gələn vətəndaşlardan əvvəlcədən qeydiyyatdan keçmələri və şəxsiyyət vəsiqəsini gətirmələri xahiş olunur.
Qəbul Naxçıvan Muxtar Respublikasının Ədliyyə Nazirliyinin inzibati binasında keçiriləcək, iştirakçılara qəbul saatı əvvəlcədən bildirilib.
DOĞRU.AZ
