Hindistanın Uttar Pradeş ştatında pələng odun yığan fermerə hücum edib. Yerli sakinlər onun cəsədinin yalnız yarısını tapıblar.
Bu barədə Hindustan Times məlumat yayıb.
Qeyd olunur ki, 55 yaşlı fermer Şivdhar Çauhan Katarniaqhat qoruğundakı meşəyə odun yığmağa gedib və geri qayıtmayıb.
Onun qohumları və həmkəndliləri axtarışa başlayıblar və kolluqların arasından kişinin üst cəsədini və başını tapıblar. Nəşrin məlumatına görə, bu, bir həftə ərzində yırtıcıların Katarniaqat qoruğu ərazisində insanlara ikinci hücumudur.
Bundan əvvəl Primoryedə balıqçını öldürən amur pələngi ov müfəttişinə hücum etmək istəyən zaman güllələnmişdi.
DOĞRU.AZ
