Londondakı ICE birjasında Brent markalı neftin 2025-ci ilin sentyabr fyuçerslərinin qiyməti artaraq bir barel üçün 70 dolları keçib. Bu, 30 aprel 2025-ci ildən bəri ilk belə göstəricidir.
Doğru.az xəbər verir ki, TASS-ın yaydığı ticarət məlumatlarına əsasən, Moskva vaxtı ilə saat 18:25-ə olan məlumata görə, Brent neftinin qiyməti 0,65% artaraq 1 barel üçün 70,05 dollar təşkil edib.
Qeyd edək ki, daha əvvəl “Alfa-Forex” şirkətinin müştərilərlə iş və satış departamentinin rəhbəri Aleksandr Şnayderman RT-yə açıqlamasında neftin qiymətinin İsrail və İran arasında gərginlikdən əvvəlki səviyyəyə qayıtdığını vurğulamışdı.
Analitiklər qiymət artımını həm qlobal siyasi risklərlə, həm də bazarda tələbatın sabitləşməsi ilə əlaqələndirirlər.
DOĞRU.AZ
