Vətəndaşların problem və təkliflərinin yerindəcə dinlənilməsi və həll edilməsi üçün Veri və Rvarud kəndində növbəti səyyar qəbul-görüş keçirilib
Vətəndaşlarla görüşdən əvvəl RİH-nin başçısı Əkbər Abbasov Rvarud və Veri kəndlərində ölkəmizin ərazi bütövlüyü uğrunda canlarını fəda etmiş şəhidlərin xatirəsinə inşa edilmiş abidə komplekslərini ziyarət edib.
Səyyar qəbulda RİH başçısı aparatının, rayonun hüquq-mühafizə orqanlarının və aidiyyəti təşkilatlarının məsul şəxsləri, eləcə də kənd ictimaiyyəti iştirak edib.
Ölkə rəhbərliyinin müvafiq tapşırığına əsasən keçirlən vətəndaşların səyyar qəbulunda Əkbər Abbasov görüşdə vətəndaşların səsləndirdikləri problemləri ayrı-ayrılıqda dinləyib və onların həlli yollarının araşdırılması üçün müvafiq qurumlara tapşırıqlar verib.
