Doğru.az xəbər verir ki, iyulun 7-dən 13-dək ali təhsil müəssisələrinin magistratura səviyyəsinə ixtisaslaşma seçimi aparılacaq.
Bu barədə Dövlət İmtahan Mərkəzindən (DİM) məlumat verilib.
Magistraturaya qəbul zamanı istifadə olunan ixtisaslaşmaların bakalavr ixtisaslarına uyğunluq cədvəlinin son variantını (“Magistr” №3, 2025) www.abiturient.az saytından və ya DİM-in rəsmi saytında “Elektron xidmətlər” bölməsində ödəniş əsasında əldə etmək mümkündür.
Magistraturaya qəbul üçün ixtisaslaşma seçimi barədə elan və qəbul planı isə bu həftə ərzində “Magistr” №4 jurnalında dərc olunacaq.
DOĞRU.AZ
