Limon insan sağlamlığı üçün ən faydalı təbii qidalardan biri hesab olunur. Mütəxəssislər bildirirlər ki, bu meyvə immun sisteminin güclənməsində və orqanizmin müxtəlif xəstəliklərə qarşı müqavimətinin artmasında mühüm rol oynayır.
Doğru.az xəbər verir ki, limonun tərkibində yüksək miqdarda C vitamini, antioksidantlar və minerallar var. Bu maddələr bədəni zərərli toksinlərdən təmizləməyə, həzm sistemini yaxşılaşdırmağa və dərinin sağlam qalmasına kömək edir.
Həkimlərin sözlərinə görə, səhər acqarına ilıq suya bir neçə damcı limon əlavə edib içmək maddələr mübadiləsini sürətləndirir və bədənin enerjisini artırır. Limon həmçinin soyuqdəymə və qrip zamanı da faydalı hesab olunur.
Mütəxəssislər qeyd edirlər ki, limondan düzgün və ölçülü şəkildə istifadə etmək sağlam həyat tərzinə müsbət təsir göstərir.
Şəhla Qardaşova
DOĞRU.AZ
