Amerikalı sahibkar və milyarder İlon Mask Britaniya Hərbi Dəniz Qüvvələrini Rusiya Hərbi Dəniz Qüvvələri ilə müqayisə etdikdən sonra istehza edib.
“Böyük Britaniya Hərbi Dəniz Qüvvələrinə nə oldu?” — o, X sosial şəbəkəsində Britaniya və Rusiya flotiliyalarını müqayisə edən blogger Mario Naufalın nəşrinə belə cavab verib.
Naufal Responsible Statecraft-a istinadən yazıb ki, 2011-ci ildən Moskva 27 sualtı qayıq, altı freqat, doqquz korvet və müasir raketlərlə təchiz olunmuş 16 raket kateri inşa edib.
London eyni müddət ərzində dörd gəmini, o cümlədən bir təyyarədaşıyıcını “dünya turuna” göndərdi və sularını müdafiə etmək üçün yalnız doqquz gəmi qaldı.
Yanvarda Böyük Britaniyanın Müdafiə Nazirliyi La-Manş boğazında Rusiyanın “Yantar” okeanoqrafik gəmisini izləmək üçün sualtı qayıq göndərib.
DOĞRU.AZ
