Mədəniyyət naziri Adil Kərimli Ağdamın Quzanlı qəsəbəsində vətəndaşlarla görüş keçirib.
Doğru.az xəbər verir ki, nazir və Ağdam Rayon İcra Hakimiyyətinin başçısı Vaqif Həsənov əvvəlcə Ümummilli Lider Heydər Əliyevin abidəsini ziyarət edərək əziz xatirəsini yad ediblər.
Heydər Əliyev Mərkəzində keçirilən qəbulda Ağdam, Ağcabədi, Bərdə, Tərtər, Füzuli və Laçın rayonlarından vətəndaşlar müraciətlərini çatdırıblar. Əsas mövzular məşğulluq, mədəniyyət layihələri, iş yerinin dəyişdirilməsi və digər məsələlər olub.
Nazir vətəndaşların xahiş və təkliflərini diqqətlə dinləyib, problemlərin qanunvericiliyə uyğun həll edilməsi üçün müvafiq addımların atılacağını bildirib. Şəhid ailələri və qazilər tərəfindən qaldırılan məsələlərə xüsusi diqqət yetirilməsi tapşırılıb.
DOĞRU.AZ
