Məktəbəqədər və Ümumi Təhsil üzrə Dövlət Agentliyi və Azərbaycan Dövlət Pedaqoji Universitetinin Strateji İnkişaf Mərkəzinin birgə təşkilatçılığı ilə həyata keçirilən “Məktəbəqədər təhsildə liderlik” proqramının II çağırışı üzrə qeydiyyat prosesi başa çatıb.
Doğru.az xəbər verir ki, proqramın qeydiyyatına paytaxt da daxil olmaqla müxtəlif regionlardan 700-dən çox şəxs müraciət edib.
Seçim prosesi elektron sənəd qəbulu və müsahibə mərhələlərindən ibarətdir. Namizədlərdən pedaqoji sahədə ali təhsil və dövlət məktəbəqədər təhsil müəssisələrində ən azı 3 illik iş təcrübəsi tələb olunur.
Proqramda iştirak edənlər məktəbəqədər təhsil müəssisələrində təlim-tərbiyə prosesinin təşkili və idarə olunması, sənədlərlə işin təşkili və liderlik səriştələrinin artırılması üzrə biliklər əldə edəcəklər.
İştirak hüququ qazanmış namizədlərə məlumat avqustun 29-31-də elektron poçt vasitəsilə göndəriləcək.
DOĞRU.AZ
