Portuqaliyalı baş məşqçi Joze Mourinyo İtaliyanın keçmiş “Roma” direktoru Tiaqo Pinto ilə müsahibəsi haqda danışıb.
Onun sözlərini Corriere dello Sport yayıb.
“Onun nə dediyi və nə düşündüyü mənə maraqlı deyil. Yenə mənimlə işləyəcək? Xeyr, əlbəttə ki, yox. Bu halda mümkün deyil”, – Mourinyo bildirib.
Pinto bildirib ki, Mourinyonu istefaya göndərmək onun üçün çətin olub.
Yanvarın 16-da İtaliyanın “Roma” klubu Mourinyonun baş məşqçi postunu tərk etdiyini açıqlayıb. O, 2021-ci ilin may ayından bu klubda çalışır. Portuqaliyalı 2021/22 mövsümündə komandanı Konfrans Liqasında qələbəyə aparıb. Ötən mövsüm “Roma” Avropa Liqasının finalçısı olub.
Mənbə: NTV Spor
