Səudiyyə Ərəbistanı xaricdən ümrə ziyarətinə gəlməyə qismən icazə verildiyini açıqlayıb.
Koronavirus səbəbilə verilən fasilədən sonra ölkə daxilindən və xaricdən olan ziyarətçilərin şənbə günü gecə yarısından etibarən ümrə ibadəti üçün gəlmələrinə icazə veriləcək.
Alınan qərara uyğun ilk ümrə ziyarətçiləri bazar günü “Harem-i Şərif”ə qəbul ediləcək.
Bu gündən etibarən isə 20 min ziyarətçinin Kəbəyə girişinə icazə veriləcək.
Qeyd edək ki, Səudiyyə Ərəbistanı səlahiyyətliləri koronavirus səbəbindən ümrə ziyarətini mart ayında dayandırmışdı./
publika.az
