Nar Mobil son illərdə Azərbaycanda mobil rabitə sahəsində yalnız texnoloji yenilikləri ilə deyil, həm də vətəndaşlara düzgün xidmət göstərməsi ilə fərqlənir. Şirkət abonentlərin ehtiyaclarını diqqətlə izləyir, onların rahatlığını təmin etmək üçün hər gün yeni imkanlar təqdim edir.
Doğru.az xəbər verir ki, Nar ölkə daxilində internet və rabitə xidmətlərini sürətlə genişləndirərək hər bölgəyə çıxış imkanı yaradıb. Şirkət yalnız xidmət keyfiyyətinə deyil, həm də sosial məsuliyyətə diqqət yetirir – şəhid ailələrinə şəhid övladlarına dəstək proqramları vasitəsilə onlara diqqət və qayğı göstərilir.
Nar-ın rəhbərliyi bildirib ki, əsas məqsəd abonentlərə sadəcə xidmət göstərmək deyil, həm də onların həyatını asanlaşdırmaq və ölkədə rəqəmsal rabitəni inkişaf etdirməkdir. Abonentlər Nar vasitəsilə həm sürətli internetdən, həm zəng və mesajlaşmadan sərbəst istifadə edir, həm də sosial layihələrdə iştirak imkanları əldə edirlər.
Nar Mobil bu addımlarla ölkədə həm texnoloji, həm də sosial sahədə nümunə göstərir və vətəndaşların gündəlik həyatında əhəmiyyətli rol oynayır.
DOĞRU.AZ
