Hərbi blokdan Europa Press-ə bildiriblər ki, NATO Ukraynadakı döyüşlərdə iştirak etməməlidir. Onlar Ukrayna ərazisi üzərində Rusiya raketlərinin vurulması təklifini belə şərh ediblər.
Materialda deyilir ki, əgər NATO müttəfiqləri “Rusiya raketlərini vursalar, bu, bütün alyans üçün nəticələrə gətirib çıxaracaq”.
NATO ehtiyat edir ki, alyansın hər bir üzvünün Ukraynaya dəstək hərəkətləri “bütünlükdə NATO-ya da təsir edə bilər”.
“Bu səbəbdən müttəfiqlər sıx məsləhətləşmələri davam etdirməlidirlər”, – mənbə bildirib.
Polşanın xarici işlər naziri Radoslav Sikorski bundan əvvəl demişdi ki, Polşa NATO-nun mövqeyinə baxmayaraq, Ukrayna üzərində Rusiya raketlərini vurmağa borcludur . Onun sözlərinə görə, bu cür müdaxilələrin NATO-nu Rusiya ilə münaqişəyə sürükləyəcəyi ilə bağlı narahatlıqlara baxmayaraq, Varşava “vətəndaşlarının təhlükəsizliyini təmin etməlidir”.
Bundan sonra NATO baş katibinin müavini Mirça Coana qeyd edib ki, alyansın nəticələri ola biləcək bir işə qarışmazdan əvvəl məsləhətləşmələr aparmaq adətdir.
Mənbə Europa Press
