Neftçalada 3 nəfərin xəsarət alması ilə nəticələnən yol-nəqliyyat hadisəsi baş verib.
Hadisə İkinci Qaralı kəndində qeydə alınıb.
Belə ki, hərəkətdə olan minik avtomobili anidən idarəetmədən çıxıb və yolun kənarına aşıb. Qəza zamanı Bakının Sabunçu rayon sakini, 1991-ci il təvəllüdlü İbrahimov Rüfət Oqtay oğlu, Masallı rayonunun Təklə kənd sakinləri – 1961-ci il təvəllüdlü Həsənov Nadir Əbil oğlu və 1983-cü il təvəllüdlü Abışov Camaləddin müxtəlif dərəcəli xəsarətlər alıblar.
Yaralılar Neftçala Rayon Mərkəzi Xəstəxanasına çatdırılıblar.
Faktla bağlı araşdırma aparılır.
DOĞRU.AZ