Azərbaycanda noyabrın 30-na gözlənilən hava şəraiti açıqlanıb.
Doğru.az xəbər verir ki, Bakıda və Abşeron yarımadasında hava dəyişkən buludlu, arabir tutulacaq, günün birinci yarısında bəzi yerlərdə çiskinli yağış ehtimalı var. Gecə və səhər arabir duman olacaq. Havanın temperaturu gecə 9-12°, gündüz 14-17° isti olacaq.
Rayonlarda hava əsasən yağmursuz keçəcək, bəzi şərq bölgələrdə gecə və səhər çiskinli yağış gözlənilir. Temperatur gecə 0-9°, gündüz 5-16° isti aralığında dəyişəcək. Dağlıq ərazilərdə gecə şaxta, gündüz isə 5-10° isti olacaq. Şimal-şərq və şərq küləyi əsəcək, arabir duman müşahidə olunacaq.
DOĞRU.AZ
