Associated Press agentliyinin verdiyi məlumata görə, Zöhran Mamdani rəsmi olaraq Nyu-York şəhərinin yeni meri kimi and içib.
Doğru.az xəbər verir ki, andiçmə mərasimi hazırda fəaliyyətini dayandırmış Old City Hall metro stansiyasında qapalı qapılar arxasında keçirilib.
Mamdani Nyu-York şəhərinin ilk müsəlman meri olub və o, and içərək vəzifəsinin icrasına başlayıb. Agentlik onun sözlərini sitat gətirir: “Bu, həqiqətən də bir ömür boyu şərəf və imtiyazdır.”
Xatırladaq ki, ABŞ prezidenti Donald Tramp bundan əvvəl Zöhran Mamdaninin Nyu-Yorkun merliyi üçün gözəl namizəd olduğunu bildirmişdi.
DOĞRU.AZ
