Polşa milli müdafiə nazirinin müavini Pavel Zalevski bildirib ki, ölkə Ukraynaya öz əsgərlərini göndərmək niyyətində deyil.
O, bu barədə Polşa televiziyasında məlumat verib.
“Mən bu mövzuda Fransanın müdafiə naziri Sebastien Lecornu ilə danışdım, o, NATO əsgərlərinin cəbhəyə göndərilməsi haqqında deyil, NATO əsgərlərinin arxa cəbhədə Ukrayna əsgərlərinə dəstək verməsi barədə danışıb”, – Zalevski bildirib.
Onun sözlərinə görə, Polşa Lekornunun ideyasından əl çəkib, çünki Varşava silah, sursat, avadanlıq və Ukrayna əsgərlərinə təlim verməklə Ukraynanı dəstəkləməkdə daha çox iş görülə biləcəyinə əmindir.
“Polşa əsgərlərinin göndərilməsindən söhbət gedə bilməz və bu, göz qabağındadır”, – Zalevski vurğulayıb.
Mənbə: A Haber
