Cari mövsüm bu günədək Avropada yerli liqalarda keçirdikləri bütün matçlarda qələbə qazanan komandaların sayı 3-ə enib.
Siyahıda “Qarabağ” da yer alıb.
“Köhlən atlar” Azərbaycan Premyer Liqasındakı ilk 10 qarşılaşmanın hamısında meydanı 3 xalla tərk edib. Ölkə çempionunun III turda “Turan Tovuz”la görüşü isə noyabrın 9-na təxirə salınıb.
Lüksemburqda “Düdelanj” (10), Yunanıstanda isə “Panatinaikos” (9) çempionatdakı bütün matçlarını qələbə ilə başa vurub.
Ukrayna çempionatının VIII turda “İnqulets”lə 2:2 hesablı heç-heçə edən “Dnepr-1” siyahıdan kənarda qalıb.
