Əvvəllər Rusiya bazarını tərk etməyi planlaşdıran beynəlxalq şirkətlər bu prosesi dayandırdılar, lakin Qərb biznesinin kütləvi şəkildə geri qayıtması hələ gözlənilmir.
Bu barədə “Financial Times” mənbələrə istinadən yazır.
Məqalədə deyilir: “Rusiya bazarını tərk etməyə çalışan bəzi xarici şirkətlər vəziyyətin necə inkişaf etdiyini görənə qədər bu cür planların həyata keçirilməsini təxirə salırlar”.
Nəşrin məlumatına görə, iri beynəlxalq treyderlərin nümayəndələrinin Rusiya şirkətləri ilə görüşləri, həmçinin xarici investisiya banklarının nümayəndələrinin səfərləri qeydə alınıb.
Daha əvvəl xəbər verilmişdi ki, LG, Hyundai Motor və Samsung Rusiyaya qayıtmaq imkanlarını araşdırır.
DOĞRU.AZ
