Qusar Rayon Polis Şöbəsinin əməkdaşları narkotik vasitələri əldə etməsi, saxlaması və daşımasında, eləcə də narkotik xassəli çətənə bitkilərinin kultivasiyası ilə məşğul olmaqda şübhəli bilinən rayon sakini Əziz Əlistanovu saxlayıb.
Daxili İşlər Nazirliyinin mətbuat xidmətinin Quba regional qrupundan verilən məlumatda görə, həmin şəxsin üzərinə və yaşadığı evə baxış keçirilən zaman xeyli miqdarda marixuana və 14 ədəd əkilib-becərilməsi qadağan edilmiş çətənə (kannabis) bitkiləri aşkar olunaraq götürülüb.
Faktla bağlı Qusar RPŞ-də Ə.Əlistanovun barəsində cinayət işi başlanılıb.
