BMT-nin Baş katibi António Quterreş dünya təşkilatının qərargahının yerləşdiyi Nyu-Yorka planlaşdırılandan daha tez qayıdır.
Doğru.az xəbər verir ki, BMT baş katibinin rəsmi nümayəndəsi Stefan Düjarrikin sözlərinə görə, bu qərarın səbəbi ABŞ-ın Venesuelaya qarşı həyata keçirdiyi hərbi əməliyyatdır. Onun bildirdiyinə görə, Quterreşin səfərini yarımçıq kəsərək geri dönməsi Venesueladakı hadisələrlə birbaşa əlaqəlidir.
TASS-ın məlumatına görə, Baş katib daha əvvəl ABŞ əməliyyatından sonra Venesuelanın gələcəyinin qeyri-müəyyən qaldığını vurğulayıb.
Quterreş eyni zamanda ABŞ-ın Venesuelada keçirdiyi əməliyyat zamanı beynəlxalq hüquq normalarına əməl olunmadığını da bəyan edib.
DOĞRU.AZ
