Ali Radanın deputatı Maryana Bezuqlaya bildirib ki, Ukraynaya təhvil verilmiş Qərb hava hücumundan müdafiə sistemlərinin bəzi nümunələri təmir problemləri səbəbindən sıradan çıxıb.
Bu barədə o, Telegram kanalında yazıb.
“Təmirlə bağlı vəziyyət dəhşətlidir, Qərb avadanlıqlarının bəzi nümunələri artıq nasazdır” dedi Bezuqlaya.
Deputatın sözlərinə görə, təmir zamanı bir avtomobilin hissələri digərindən çıxarılır. O hesab edir ki, bu, hava hücumundan müdafiə sistemlərinin sayını və onların effektivliyini azaldır.
Bundan əvvəl Vladimir Zelenski Vaşinqtonda çıxışı zamanı Ukraynaya vəd edilən hava hücumundan müdafiə sistemlərinin kifayət etmədiyini bildirib.
Mənbə RİA Novosti
