Azərbaycan millisinin üzvü Renat Dadaşovun çıxış etdiyi “Qrasshopper” İsveçrə çempionatında növbəti matçına çıxıb.
Komanda evdə “Sürix”lə qarşılaşıb. Görüş qonaqların 2:1 hesablı qələbəsiylə başa çatıb.
Start heyətdə meydana çıxan Renat 76-cı dəqiqədə əvəzlənib. “Qrasshopper”in yeganə qolunu da 30-cu dəqiqədə penaltidən Dadaşov vurub. Bu, onun mövsümdə 5-ci qoludur.
Qeyd edək ki, “Qrasshopper” çempionatda 21 turdan sonra 24 xalla 7-ci sıradadır.
DOĞRU.AZ
