Ölkə rəhbərliyinin tapşırığına uyğun olaraq yerlərdə vətəndaşların vəziyyətini öyrənmək, həlli mümkün olan məsələləri yerində həll etmək, ehtiyac olduğu halda aidiyyəti təşkilatlar qarşısında məsələ qaldırmaq məqsədi ilə növbəti görüş 13 oktyabrda rayonun Monidigah və Mastail kəndlərində keçirilib.
Görüşdə Lerik Rayon İcra Hakimiyyətinin başçısı Əkbər Abbasov, təşkilatlarının rəhbər işçiləri və kənd sakinləri iştirak ediblər.
Görüş zamanı vətəndaşların müraciətləri dinlənilərək onları narahat edən məsələlərin aradan qaldırılması məqsədilə aidiyyəti üzrə müvafiq tapşırıqlar verilib.
Eyni zamanda, Əkbər Abbasov Mastail kəndin I Qarabağ müharibəsinin şəhidi Dənziyev Nail Fail oğlunun ailəsini ziyarət edib, onların problemlərini dinləyib.
DOĞRU.AZ