Rusiya səfiri İqor Morqulov Pekində “Made in Russia” yarmarkası və festivalının açılışında bildirib ki, Rusiya tərəfi Çin bazarına kənd təsərrüfatı məhsulları və hazır ərzaq ixracını tədricən artırmağa hazırdır.
Doğru.az xəbər verir ki, diplomat iki dövlət rəhbərliyinin ərzaq ticarətinə xüsusi diqqət yetirdiyini vurğulayıb.
Morqulovun sözlərinə görə, kənd təsərrüfatı məhsulları Rusiyanın Çinə ixracının təxminən 6%-ni təşkil edir və ötən il tədarük həcmi 7,3 milyard dollara çatıb. O, bu sahədə əməkdaşlıq potensialının daha da böyük olduğunu qeyd edib.
Əvvəlki məlumatlara görə, Çin və Rusiya soya bazarı vasitəsilə ABŞ-a iqtisadi təsir göstərə bilirlər.
DOĞRU.AZ
