Rusiya hökuməti Rusiya banklarında məsafədən hesab açmağa icazə veriləcək 25 dövlətin siyahısını təsdiqləyib.
Bu barədə RİA Novosti məlumat yayıb.
Siyahıya Asiya, Yaxın Şərq və MDB ölkələri daxildir: Azərbaycan, Əlcəzair, Ermənistan, Bəhreyn, Belarus, Braziliya, Misir, Hindistan, İndoneziya, Qazaxıstan, Qətər, Qırğızıstan, Çin, Küveyt, Malayziya, Monqolustan, BƏƏ, Oman, Pakistan, Səudiyyə Ərəbistanı, Tacikistan, Tailand, Türkmənistan, Türkiyə və Özbəkistan.
Rusiya bankı ilə müqavilə bağladıqdan və müştərinin şəxsiyyətini təsdiqlədikdən sonra hesab açılacaq. Rusiyaya daxil olarkən əcnəbiyə Milli Ödəniş Kartı Sistemi tərəfindən verilmiş “turist kartı” veriləcək.
Nəşrin müsahibə verdiyi ekspertlər hesab edirlər ki, bu, Visa və Mastercard ödəniş sistemlərinin sanksiyalarına və məhdudiyyətlərinə baxmayaraq, Rusiya Federasiyasında maliyyə xidmətlərinə çıxışı təmin edəcək. Bu ölkələrdən gələn turistlər və sahibkarlar üçün indi Rusiyada pul idarə etmək daha rahat olacaq.
Mənbə: RİA Novosti
