Müəllimlərin işə qəbulu üzrə vakansiya seçimi mərhələsində minimum tələbi ödəyən şəhid ailəsi üzvləri vakant yerləri ilk olaraq seçə biləcəklər.
Doğru.az xəbər verir ki, Təhsil İnstitutu nəzdində İnsan Resursları Mərkəzindən verilən məlumata görə, namizədlər iyulun 26-sı saat 11:00-dan 27-si saat 11:00-dək şəxsi səhifələrinə daxil olaraq seçim edə biləcəklər.
Test imtahanından keçid balı toplamış namizədlər 8 vakant yer seçmək hüququna malikdir. Yerləşdirmə isə namizədlərin elektron ərizədə göstərdikləri seçim ardıcıllığına uyğun həyata keçiriləcək.
Qeyd edək ki, vakant yer tutduqdan sonra imtina edən namizədlər növbəti seçim mərhələlərində iştirak edə bilməyəcəklər.
DOĞRU.AZ
