Koreya Xalq Demokratik Respublikasının lideri Kim Çen In Rusiya Prezidenti Vladimir Putinə məktub göndərib.
Doğru.az xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. Bildirilib ki, məktub yanvarın 8-də göndərilib.
Məktubda Kim Çen In Rusiya lideri ilə dostluq münasibətlərini yüksək qiymətləndirdiyini vurğulayıb. O qeyd edib: “Vurğulamaq istəyirəm ki, sizinlə olan dostluq münasibətlərimi ən dəyərli hesab edirəm və onlarla fəxr edirəm”.
Qeyd edək ki, dekabrın sonunda KXDR lideri Vladimir Putinə Yeni il münasibətilə təbrik teleqramı da göndərmişdi.
DOĞRU.AZ
