ABŞ prezidenti Donald Tramp ölkənin keçmiş prezidenti Co Baydenin siyasətini sərt tənqid edərək, Ukraynaya dəstək məqsədilə həddindən artıq büdcə vəsaiti xərclədiyini bildirib.
Doğru.az xəbər verir ki, RİA Novosti-nin məlumatına görə, Tramp əvvəlki administrasiyanın xarici münaqişələrin maliyyələşdirilməsində lazımsız israfçılığa yol verdiyini iddia edib.
Floridadakı Mar-a-Lago malikanəsində çıxış edən ABŞ prezidenti vurğulayıb ki, Bayden administrasiyasının bu yanaşması milli büdcəyə ciddi zərər vurub. Tramp çıxışı zamanı Baydeni sərt ifadələrlə tənqid edib:
“Biz Bayden kimi pul itirmirik. O, axmaq idi. O, axmaq idi”, – deyə Tramp bildirib.
Xatırladaq ki, daha əvvəl “Politico” Avropa liderlərinin dondurulmuş Rusiya aktivlərini tam şəkildə müsadirə etmək ideyasından imtina etməsinin Ukraynada narazılıq yaratdığını yazmışdı.
DOĞRU.AZ
