Türkiyə Superliqasının 18-ci turunda “Alanyaspor” son çempion “Trabzonspor”la qarşılaşıb.
Kırbıyık Holdinq Stadionunda keçirilən qarşılaşmada Françesko Fariolinin yetirmələri 5-0 hesabı ilə qalib gəliblər.
14-cü dəqiqədə Efecan Karaca, 37-ci və 45-ci dəqiqədə Əhməd Həsən, 75-ci dəqiqədə Vilson Eduardo və 78-ci dəqiqədə Yusuf Özdəmirin vurduğu qollar “Alanyaspor”a qələbə qazandırıb.
Bu nəticədən sonra mövsümün ən böyük hesablı məğlubiyyətini yaşayan “Trabzonspor” 29 xalla lider “Qalatasaray”dan 10 xal geri qalır. “Alanyaspor” isə xalını 24-ə yüksəldib.
Superliqanın 19-cu həftəsində “Trabzonspor” “Başakşəhər”lə qarşılaşacaq.