Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası Yerdə davam edən maqnit qasırğası barədə məlumat verib.
“Moskva vaxtı ilə saat 23:00-dan etibarən Yer kürəsində maqnit qasırğası qeydə alınıb və 04:00-a olan məlumata görə, hazırda G2.3 səviyyəsinə çataraq dayanmayıb”, – laboratoriyanın saytında bildirilir.
Təqdim olunan qrafik fırtınanın hələ də davam etdiyini göstərir.
Vurğulanır ki, G2.3 balı ortadan yuxarıdır və enerji sistemlərinə və radio dalğalarının yayılmasına təsirin nəzərə çarpan həddi aşır.
“Fırtınanın səbəbləri hazırda bəlli deyil”, – alimlər vurğulayıblar.
DOĞRU.AZ
