Alman iqtisadiyyatının rəqabət qabiliyyəti 2014-cü ildən bəri rekord dövlət investisiyalarına baxmayaraq, hər il aşağı düşüb.
TASS bu barədə Almaniyanın maliyyə naziri Kristian Lindnerin X sosial şəbəkəsində (keçmiş Twitter) yazısına istinadən yazır.
“Biz rekord məbləğdə sərmayə qoyuruq. Problem ondadır ki, 2014-cü ildən bəri rəqabət qabiliyyətimiz hər il azalıb”, – Lindner yazıb.
Onun sözlərinə görə, böyük xərclər “büdcənin ən böyük maddəsinin” – sosial dövlətin maliyyələşdirilməsinə gedir, ona görə də səmərəliliyi artırmaq lazımdır.
Maliyyə Nazirliyinin rəhbəri dövlət vəsaiti hesabına yüksək rəqabət qabiliyyətinin təmin oluna biləcəyinə şübhə ilə yanaşıb.
DOĞRU.AZ