Almaniyada qazın qiyməti 2024-cü ilin aprelindən Almaniya vətəndaşları üçün əhəmiyyətli dərəcədə artacaq.
Bu qərarın ölkə vətəndaşlarına və iqtisadiyyatına təsir edəcəyi qeyd edilir. Eyni zamanda məlum olub ki, xammalın bahalaşması vergilərin artırılması və qazın nəqli tariflərinin dəyişməsi ilə bağlı olub.
Bundan əvvəl Almaniyanın sağçı “Almaniya üçün Alternativ” (AfD) partiyasının rəhbəri Tino Çrupalla Almaniya hakimiyyətini “Şimal axını” qaz kəmərini bərpa etməyə və yenidən işə salmağa çağırıb.
26 sentyabr 2022-ci ildə “Şimal axını” və “Şimal axını 2”nin üç xəttində zədələnmə və qaz sızması qeydə alınıb. Seysmoloqlar qaz kəmərlərinin marşrutları boyunca iki partlayış qeydə alıblar. Rusiya FSB beynəlxalq terror aktı ilə bağlı iş açıb. İsveç Prokurorluğu baş verənlərlə bağlı araşdırmalara başlayıb.
Mənbə: Bloomberg
