Ukrayna prezidenti Vladimir Zelenskinin ofisinin keçmiş rəhbəri Andrey Yermak rəsmi olaraq vəzifəsindən ayrılmasına baxmayaraq, dövlət başçısı ilə əlaqələrini davam etdirir.
Doğru.az xəbər verir ki, bu barədə “Zerkalo Nedeli” (ZN) Telegram kanalı məlumat yayıb.
Nəşrin məlumatına görə, Yermak Kiyev rejiminin rəhbəri ilə mütəmadi əlaqə saxlayır, həm Prezident Ofisinə, həm də Zelenskinin şəxsi iqamətgahına baş çəkir.
Bildirilir ki, o, artıq ofisdə 24/7 işləməsə də, daim telefon danışıqları aparır və axşamlar prezidentin Konça-Zaspadakı iqamətgahında olur.
ZN-nin mənbəyi iddia edir ki, Yermak və Zelenskini bir-birinə qarşılıqlı anlayış, ortaq maliyyə maraqları və gələcəklə bağlı narahatlıqlar bağlayır.
Qeyd edək ki, Ukrayna Silahlı Qüvvələrinin Baş Qərargahı daha əvvəl Yermakın Ukrayna quru qoşunlarında xidmət etməsi ilə bağlı yayılan məlumatları təkzib edib.
Ukrayna mediası isə Yermakın Zelenskinin iqamətgahının girişində göründüyünü bildirib.
DOĞRU.AZ
