Milli Hidrometeorologiya Xidmətinin Doğru.az-a verdiyi məlumata əsasən, avqustun 6-da Bakıda və Abşeron yarımadasında hava günəşli olacaq. Şimal-qərb küləyi gündüz saatlarında şimal-şərq küləyi ilə əvəz olunacaq. Gecə 26-30, gündüz isə 35-40 dərəcə isti müşahidə ediləcək. Atmosfer təzyiqi 758 mm civə sütunu, nisbi rütubət gecə 70-75, gündüz 35-40 faiz təşkil edəcək.
Abşeron çimərliklərində də küləklərin istiqaməti dəyişəcək. Dəniz suyunun temperaturu şimal çimərliklərində 28-29, cənub çimərliklərində 29-30 dərəcə isti olacaq.
Azərbaycanın rayonlarında hava əsasən yağmursuz keçəcək. Lakin gündüz bəzi dağlıq ərazilərdə qısamüddətli yağış, şimşək və dolu ehtimalı var. Gecə 23-28, gündüz 35-40, bəzi yerlərdə isə 41 dərəcəyədək isti olacaq. Dağlarda isə gecə 17-22, gündüz 29-34 dərəcə isti gözlənilir.
Naxçıvan, Qarabağ, Şərqi Zəngəzur, Qazax-Tovuz, Şəki-Zaqatala, Aran və Cənub bölgələrində də əsasən günəşli hava müşahidə ediləcək. Bəzi dağlıq ərazilərdə lokal leysan və şimşək ehtimal olunur. Temperatur göstəriciləri bölgələrə uyğun olaraq dəyişəcək.
DOĞRU.AZ
