Milli Hidrometeorologiya Xidmətinin Doğru.az-a verdiyi məlumata görə, mayın 19-dan 20-nə keçən gecə Bakıda və Abşeron yarımadasında yağış, bəzi yerlərdə isə qısamüddətli leysan və şimşək gözlənilir.
Gündüz saatlarında hava əsasən yağmursuz keçəcək, külək şimal-qərbdən əsəcək, sonra cənub-şərq küləyi ilə əvəz olunacaq.
Paytaxtda gecə 15-18°, gündüz 21-26° isti olacaq. Atmosfer təzyiqi 759 mm civə sütunu, nisbi rütubət isə gündüz 55-60 % təşkil edəcək.
Ölkə rayonlarında da fasilələrlə yağış, şimşək və leysan müşahidə ediləcək. Bəzi yerlərdə dolu düşə bilər, axşam saatlarında yağıntılar tədricən səngiyəcək. Dağlıq ərazilərdə hava gecə 5-10°, gündüz 12-17° isti olacaq.
DOĞRU.AZ
