Xalq artisti Brilliant Dadaşova 2002-ci ildə təqdim etdiyi “Səninləyəm” adlı albomunda yer alan “Səni səni” mahnısına 22 il sonra klip çəkdirib.
Doğru.az bildirir ki, “Best of Brilliant” layihəsi çərçivəsində yeni aranjimanda təqdim edilən ifa üçün kamera qarşısına keçən estrada ulduzu imici ilə də diqqət çəkib.
Mahnının klipi üçün xüsusi dekorlar qurulub. Pop ulduz müxtəlif obrazlarda iddialı görüntüsü ilə göz oxşayıb. Sənətçinin tərzi üzərində stilist Elnur Həsənov çalışıb.
“Caspian Media Group”un ekranlaşdırdığı layihənin rejissoru Qulu Əsgərovdur.
Qeyd edək ki, mahnının sözləri Dadaşovaya, musiqisi Faiq Sücəddinova aiddir.
DOĞRU.AZ
