Beynəlxalq Futbol Assosiasiyaları Şurası (IFAB) 2025-ci ildə ofsayd qaydasının şərhini dəyişə bilər.
Bu barədə Marca xəbər verir.
Yeni qaydalara əsasən, hücum edən komandanın oyunçusu bütün bədəni ilə rəqib komandanın ikinci oyunçusunu (qapıçı da daxil olmaqla) qabaqladıqda oyundankənar vəziyyət nəzərə alınacaq. İndi top vura bilən bədənin istənilən hissəsi ilə sondan əvvəlki oyunçunu qabaqlamaq kifayətdir.
Qayda 2023-cü ilin noyabrından İtaliya və İsveçdə gənclər arasında keçiriləcək turnirlərdə sınaqdan keçirilir.
Mənbə: NTV Spor
