Rusiya Elmlər Akademiyasının Kosmik Tədqiqatlar İnstitutunun (İKİ) Günəş Astronomiya Laboratoriyası avqustun 25-də M1.0 səviyyəli güclü günəş alışmasının baş verdiyini açıqlayıb.
Doğru.az xəbər verir ki, partlayış saat 07:16-da (Moskva vaxtı ilə) qeydə alınıb.
Laboratoriyanın rəhbəri Sergey Boqaçov bildirib ki, bu, yayın əvvəlindən bəri baş verən ən güclü partlayışdır.
Astronom Vladimir Surdin isə günəş ləkələrinin Yerdə maqnit qasırğalarına səbəb ola biləcəyini, lakin günəş aktivliyinin insan sağlamlığına təsirinin sübut olunmadığını qeyd edib.
DOĞRU.AZ
