Bağdad ayın sonuna qədər Türkiyəyə gündə 350 min barel neft göndərməyə imkan verə biləcək neft kəmərinin təmiri üzərində işləyir.
Reuters bu barədə İraqın neft hasilatı və kəşfiyyatı nazirinin müavini Bəsim Məhəmmədin bəyanatına istinadən yazır.
Agentlik yazır ki, bu addım çox güman ki, xarici neft şirkətlərini və Kürdüstan Regional Hökumətini qəzəbləndirəcək.
Bağdad kürdlərlə kürd boru kəmərindən istifadə edən xarici şirkətlər arasında hasilatın pay bölgüsü sazişlərini qanunsuz hesab edir. Bağdaddakı federal hökumət neft şirkətlərindən neftlərini yenidən canlandırılan boru kəməri vasitəsilə Türkiyəyə satmaq üçün onunla danışıqlar aparmağı tələb edəcək ki, bu da demək olar ki, tamamilə neft gəlirlərinə arxalanan kürdləri qəzəbləndirə bilər.
“Təmir işləri davam edir və anbar çənləri olan əsas nasos stansiyasının tikintisi başa çatdırılıb. Çox güman ki, boru kəməri işə düşəcək və bu ayın sonuna qədər tədarükləri bərpa etməyə hazır olacaq”, – deyə Bəsim bildirib.
