Krım parlamentinin rəhbəri Vladimir Konstantinov ABŞ-ı Ukraynanın köməyi ilə Aİ ölkələrinə qarşı qaz müharibəsinə başlamaqda ittiham edib.
“ABŞ faktiki olaraq Kiyev rejiminin əli ilə Avropaya qarşı qaz müharibəsinə başlayıb. Bütün bunlar proqnozlaşdırıla biləndir. İndi qoy Aİ ölkələri özləri bişirdiklərini təmizləsinlər”, – deyə o, RİA Novosti-yə bildirib .
Konstantinov qeyd edib ki, “Şimal axını”nın pozulması və Ukrayna ərazisindən qaz tranzitinin dayandırılması Vaşinqtonun Avropa ölkələrinin Amerika LNG tədarükündən asılılığını artırmağa çalışdığı bir zəncirin həlqələridir.
Serbiya prezidenti Aleksandar Vuçiç daha əvvəl “TV Informer” telekanalına müsahibəsində bildirib ki, ABŞ bir neçə gündən sonra 50% “Qazprom Neft”ə və 6,15% “Qazprom”a məxsus Serbiyanın Neft Sənayesinə Rusiya mülkiyyətinə görə sanksiyalar tətbiq edəcək.
Daha sonra ölkənin baş nazirinin müavini Aleksandr Vulin bəyan edib ki, Serbiyanın Neft Sənayesi şirkətinə qarşı tətbiq edilməsi gözlənilən ABŞ sanksiyaları Serbiyaya qarşı hibrid müharibənin bir hissəsi olacaq.
DOĞRU.AZ
