Dekabrın 10-da Türkmənistanda keçirilən “Müasir cəmiyyətdə qadınların rolu: Dayanıqlı İnkişaf Məqsədlərinə nail olmaq üçün beynəlxalq əməkdaşlığın inkişafı” mövzusunda beynəlxalq konfrans çərçivəsində Heydər Əliyev Fondunun vitse-prezidenti Leyla Əliyeva Özbəkistan Prezidenti Administrasiyasının rəhbəri Saida Mirziyoyeva ilə görüşüb.
Doğru.az xəbər verir ki, görüş zamanı Azərbaycanla Özbəkistan arasında münasibətlər, həmçinin Heydər Əliyev Fondu ilə Özbəkistanın “Zamin” Beynəlxalq İctimai Fondu arasında əməkdaşlığın dövlətlərarası əlaqələrin inkişafına verdiyi töhfə vurğulanıb.
Konfransın qadınların siyasi və iqtisadi həyata fəal cəlb olunması, çoxtərəfli dialoqun və tərəfdaşlığın genişləndirilməsi baxımından əhəmiyyət daşıdığı qeyd edilib. Qadınların təhsil və səhiyyə kimi sahələrdə mövqelərinin gücləndirilməsinin davamlı inkişafın təmin olunması üçün vacib olduğu xüsusi vurğulanıb.
DOĞRU.AZ
