Azərbaycan əsilli tanınmış fransız fotojurnalist Reza Deqati Xudafərin körpüsündə çəkilmiş fotolarını paylaşıb.
“13-cü əsrə aid Xudafərin körpüləri Böyük İpək yolu zamanında Azərbaycan və İran arasında əsl təbii sərhəd rolunu oynayan Arazı keçmək üçün istifadə olunan iki tarixi körpüdür. Gözlərim çayı ötüb, 1981-ci ildən çıxdığım və bir daha ora qayıda bilmədiyim İrana düşdü.
1993-cü ildən 2020-ci ilin oktyabrına qədər Cəbrayıl rayonu erməni qoşunları tərəfindən işğal edilib. 2020-ci ilin 18 oktyabrından Azərbaycan ordusu regiona və bu tarixi, simvolik abidələrə nəzarəti geri qaytardı”, – deyə o bildirib.
Fotoqraf həmçinin 27 il sonra Cəbrayıl sakinlərinin öz doğma torpaqlarını görmək şansı əldə etdiklərini də qeyd edib.
