Hollandiya hərbçiləri Polşada keçirilən NATO-nun “Falcon Autumn” təlimləri zamanı naməlum pilotsuz uçuş aparatları ilə üzləşiblər.
Doğru.az xəbər verir ki, bu barədə məlumatı NOS kanalı yayıb. Hadisə Polşa aerodromunda mobil briqadanın düşərgəsinin yerləşdirilməsi zamanı baş verib. Naməlum PUA-ların mənşəyi və məqsədi hələlik açıqlanmayıb.
Bununla yanaşı, oktyabrın 13-də Hollandiyada NATO-nun illik “Steadfast Noon” adlı nüvə qarşısının alınması üzrə təlimləri başlayıb. Təlimlər Avropanın şimal-qərbində, Şimal dənizi regionunda keçirilir və iki həftə davam edəcək.
Məlumata görə, manevrlərdə 14 iştirakçı ölkədən 2000 hərbi qulluqçu və 71 təyyarə iştirak edir.
DOĞRU.AZ
