Londonun ICE birjasında 2025-ci ilin martında çatdırılacaq neft fyuçerslərinin qiymətləri ABŞ prezidenti Donald Trampın Səudiyyə Ərəbistanı və OPEC-i neft qiymətlərini aşağı salmağa məcbur etmək niyyətini açıqlamasından sonra düşüb.
Bunu ticarət məlumatları sübut edir.
Moskva vaxtı ilə saat 19:39-a olan birja məlumatına əsasən, 2025-ci ilin martında Brent markalı neftin fyuçerslərinin qiyməti 1,24% ucuzlaşaraq bir barel üçün 78,02 dollar təşkil edib.
Moskva vaxtı ilə saat 20:00-da qiymət enişi 0,68%-ə qədər azalaraq 78,46 dollar/barel səviyyəsində dayanıb. Bununla yanaşı, mart ayında çatdırılma üçün WTI markalı neftin fyuçerslərinin qiyməti əvvəlki bağlanış səviyyəsində – 74,82 dollar/barel səviyyəsində qalıb.
Davosda keçirilən Dünya İqtisadi Forumunda videobağlantı vasitəsilə çıxışı zamanı Tramp Amerika tərəfinin neft qiymətlərinin aşağı salınması üçün Səudiyyə Ərəbistanı və OPEK-ə təzyiq göstərmək niyyətini açıqlayıb və bunun Ukraynadakı vəziyyətə də aid olduğunu qeyd edib.
DOĞRU.AZ
